Scoil
Gheimhridh
2023
Bígí linn agus glacaigí páirt i ndraíocht an cheoil thraidisiúnta i rith Féile Scoil Gheimhridh Ghaoth Dobhair ón 27 go 31 lá Nollaig 2023. Tá an fhéile lonnaithe i gceantar álainn Gaeltachta an Iarthuaisceart, anseo i nDún na nGall, áit a bheas cúig lá lán de spraoi ann do gach aoisghrúpa, mar a bíonn gach bliain!
Tá clár imeachtaí dochreidte againn ina mbeidh ceoltóirí clúiteacha ar nós Ye Vagabonds, Bláth na hÓige le Síle Denvir, Lillis Ó Laoire, Mairéad Ní Mhaonaigh, Eoghan Ó Ceannabháin agus go leor, leor eile. Chomh maith leis na ceolchoirmeacha iontacha seo, tá rian seisiúin, seolta albam, agus ceardlanna ceoil, amhránaíochta, agus damhsa ó chuid de na ceoltóirí is fearr sa tír, agus gan dearmad a dhéanamh ar Oíche na Bliana Úire, leis an grúpa iontach na Bonny Men- ag tarlú in ionad gníomhaíochta úr Ghaoth Dobhair, “The Social”!
Tar chuig Féile Scoil Gheimhridh Ghaoth Dobhair chun scíth a ligean i ndiaidh an tséasúir saoire agus fáilte a chur roimh an Bhliain Úr le teaghlach agus cairde. Tá súil againn sibh a fheiceáil ann!
I measc na n-ionad d’fhéile na bliana seo tá Pobalscoil Ghaoth Dobhair, Amharclann Ghaoth Dobhair, The Social, agus Teach Hiúdaí Beag.
Tá Scoil Gheimhridh Ghaoth Dobhair buíoch as maoiniú a fháil ó Chiste Ealaíon Traidisiúnta na Comhairle Ealaíon.
Tuilleadh eolais:
Teil: +353(0)74 953 2208
Ríomhphost: [email protected]